Mavingu 18:16 - Bhiblia Yo Sawuleka

¹⁶ Txiningo txa m'thu txa mtulela nzila, ni ku mtshuketisa hafuhi ka vahombe.

Mavingu 18:16 Referans Kwoze

Mavingu 19:6

Vo tala va dilela khohe ya dixonga da mfumeli, na kuve mmweyo ni mmweyo mngana wa wule a mningako txokari.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Mavingu 17:8

Txiningo dirigwi da lisima ka vale va txi amukelako; ni hayi ayako kona txi na m'vhuna.

1 Samuwele 25:27

se konkuwa a txiya txiningo txi txihumi txako txa txisikati txi tisako ka nyamne wangu; u na ninga vafana vale va londetako mikondo ya nyamne wangu.

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Genesisi 32:20

Mi na m'gela ku khanu: “Jakobe txithumi txako, ene apune wata msana kwathu.” Jakobe a ti khene: “Ni na mthuthisa ngu txiningo txi ni txi thangetisako; se ngu msana, ni na hoka ni txi ya ti kombisa kwakwe, mwendo a na ni amukela.”

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

1 Samuwele 16:20

Sekoko Jese a to teka mbongola e yi rweka mapawu ni ngoto ya vhinya, ni phongo, e si rumela ka Sawule, ngu dianza da Dhavhidha, mwanana wakwe.

Mavingu 18:17

Awule a khatisako kuangula, a nga a maneka ditshurini; aniko a txita mmwani e ta mkaneta.

2 Vafumeli 5:5

Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.