Mavingu 18:12 - Bhiblia Yo Sawuleka

¹² Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 18:12 Referans Kwoze

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Mavingu 11:2

Ku txi ta kutikulisa, ti nata ni tona tingana; aniko avale vo ti veka hahatshi, va ni wutxhari.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Dhaniyeli 9:23

Kukhatani ka mikombelo yako, ku humile txileletelo txi ani ni telako ku ta ku gela, nguko wa randeka ngutu; ngu toneto, xiyisisa kha kwati dipswi, u pfisisa txiwoniso.

Dhaniyeli 9:20

Ni txi ngadi ni womba-womba ni kukombela, ni titshanza sionho sangu, ni sionho sa vathu vangu va ka Israyeli, ni txi veka kudila kwangu masoni ka Mkoma, Txizimu txangu, ngu mhaka ya mmango wo sawuleka wa Txizimu txangu,

Ezekhiyele 29:9

Se ditiko da Egipta di na maha dirumbi ni txiwula; kambe va na tiziva taku ani ngani Mkoma. Nguko u ti khawe: Mnambo mbwangu, ngani ni nga wu maha,

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.