Mavingu 17:8 - Bhiblia Yo Sawuleka

⁸ Txiningo dirigwi da lisima ka vale va txi amukelako; ni hayi ayako kona txi na m'vhuna.

Mavingu 17:8 Referans Kwoze

Eksodha 23:8

Kambe u nga amukele txiningo, nguko txiningo txa vhala maso avale va wonako, kambe txa jikisa timhaka ta vale va nga lulama ha banza.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

Mavingu 17:23

M'thu wo biha wa tumela kuxavwa txihunjani, kuva a txi na sanula ditshuri da wululamo.

1 Samuwele 25:35

Sekoko Dhavhidha a to amukela ngu dianza dakwe sile a nga ta naso, a txi khene kwakwe: Tsula ngu kudikha m'tini kwako; wona taku ni pfite dipswi dako, na kona ni engisile txikombelo txako.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Masalmo 29:4

Dipswi da Mkoma di ni mtamo, dipswi da Mkoma di tate ngu wuhombe.

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Masalmo 19:6

Dona di huma di txi khukhela makhatoni ka nzuma di tutuma di txi ya manela magwito ka yona nzuma. Kha ku nga ho txilo txi sikotako kuthava kuhisa ka dona.

Masalmo 18:16

Mkoma a di txitimwi a nawulutile diwoko dakwe e ni ñola, a txi ni humisa ka mati o mita.

Ekleziyaste 7:7

Ngu ditshuri kukhinyavezwa ka bharukisa titxhari, ni kuxavelela ka onha mbilu ya m'thu.

Genesisi 32:14

200 wa tiphongo, ni magumi mambidi a vamabhongwe, 200 wa tinvuta, ni magumi mambidi a tihamba;

Genesisi 32:21

Ngu tona eto, Jakobe a to thangetisa txiningo masoni, se e otela wusiku wule ha wugoveloni.

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.