Mavingu 17:3 - Bhiblia Yo Sawuleka

³ Nyundo njo xola silivhela, se mndilo mbwo xola nzalama; kambe Mkoma a xola timbilu.

Mavingu 17:3 Referans Kwoze

Isaya 48:10

Wona taku ni ku basisile, i si nga ku nga silivhela; ni ku dukile ka mndilo wa sixaniso.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Masalmo 26:2

Ni xolisise, Mkoma, u txi ni duka; xolisisa minavelo yangu ni mialakanyo yangu.

Mavingu 27:21

Khadi njo xola silivhela, se mndilo mbwo xola nzalama, kasi m'thu a dukwa ngu wudhundo.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Masalmo 66:10

Txizimu, u hi dukile; u hi basisile ku nga ti ti mahwako ka silivhela!

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Masalmo 139:23

Ni xolisise, Txizimu, kasi kuziva mbilu yangu; ni duke kasi kuziva mi alakanyo yangu.

Mavingu 15:11

Mndiloni ni kufani ka wonwa ngu Mkoma; kha na kutandeka kuwona timbilu ta vanana va vathu.

Mavingu 17:2

Txithumi txo txhariha txi na kawuka mwanana wo hundeka, se txi na abana thomba ni vanawe va mwanana.

Ezekhiyele 22:18

Awe mwanana wa m'thu, nyumba ya ka Israyeli yi txhipile kwangu; votshe i koporo, ni mthovhu ni simbi, ni simbi yo nemela ngutu, hagari ka txikho; va ti mahile silivhela yo txhipa.

Dhaniyeli 11:35

Vokari ka titxhari va na wa ve dukwa, ni kusawulekiswa, ve basa, kala magwito ka mbimo, nguko i nava i di ngadi mbimo ya kona.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

Jobe 28:1

Kha ditshuri ku ni misiha, emo yi humako ngu kona silivhela, ni nzalama, i ku wukhalo wu va yi nyekisako kona.

Mavingu 16:2

Tinzila ta m'thu ti basile masoni kwakwe ene nyamne, aniko Mkoma a kala mimoya.

Mavingu 21:2

Yotshe nzila yi lulamile masoni ka m'thu, aniko Mkoma a wona timbiluni.