Mavingu 17:26 - Bhiblia Yo Sawuleka

²⁶ Hi nga ta tinene kutsayisa m'thu wo lulama; ngu lwa ni otshe madingano, kupeka m'thu wo lulama.

Mavingu 17:26 Referans Kwoze

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Johani 18:22

Kambe, neti Jesu a nga gwita kuwomba tiya, mmweyo wa diphoyisa, a nga ti emile konaho a to mu yamasa ngu mpama, a txi khene: “Ngu toneto, u angulisako tona mphaxeli wa hombe kani?”

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.

2 Samuwele 3:39

Ani nyamsi ni gumile mtamo, hambi ku ni nga totwa kuva mfumeli; vavamna vava, i ku vanana va Zeruiya va karata kupinda ani; Mkoma a na ninga hakhelo ka mbihi, madingano ni wubihi wakwe.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

2 Samuwele 19:7

Khukha koko, konkuwa; huma uya womba-womba u tsakisa timbilu ta sithumi sako; nguko na xambanya ngu Mkoma tito, u txo mbi huma, hambi m'thu ni wammweyo kha na mbi zumba ni nawe wusiku wuwa; eyo yi na va phango ya hombe kwako kupinda tiphango totshe ti ti nga kuhumelela, kukhukhela wuphyani kwako kala konkuwa.