Mavingu 17:19 - Bhiblia Yo Sawuleka

¹⁹ Awule a dhundako mazunga a randa txionho; ni wule a guletako txike txakwe, a na wa ti si karati.

Mavingu 17:19 Referans Kwoze

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Jakobe 1:20

Nguko, kuhenya ka m'thu kha ku mahi kululama ka Txizimu.

Mavingu 29:9

M'thu wo txhariha a txi phikizanako ni txiphukuphuku, mwendo wa henya mwendo wa seka, kha na mbi mana kuhumula.

Mavingu 24:27

Tshurisela mithumo yako hahanze, u yi hetisela thembweni, sekoko aka nyumba yako.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

1 Vafumeli 1:5

Sekoko, Adhoniya, mwana Hagiti, a to tikulisa, a txi khene: “Ani ni na fuma!” A to longisela txikotxikani, ni vagadhi va mahantxhi, ni mtxhanu wa magumi a vavamna, ava va nga ti tutuma-tutuma masoni kwakwe.

2 Samuwele 15:1

Se ku to maheka taku, msana keto, Abhisalome a to longisela sikotxikani ni mahantxhi, ni mtxhanu wa magumi a vavamna va va no tutuma masoni kwakwe.

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.