Mavingu 17:14 - Bhiblia Yo Sawuleka

¹⁴ Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Mavingu 17:14 Referans Kwoze

Mavingu 25:8

U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.

Mavingu 20:3

Wa dhundeka m'thu wule a vayilelako mazunga.

1 Vatesalonika 4:11

Khutalani ngu kuhanya ngu kuthutha, mi ti karata ngu kuthuma ka ti ti mi lumbako, mi thuma ngu manza anu, nga ti hi nga mi layisa tona.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

Varoma 12:18

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Mavingu 26:21

Nga makala txitimwi ka makala a mndilo, ni tikhuni ha ka mndilo, ngu toneto m'thu wa txiluse wa wusa mazunga.

Mavingu 17:19

Awule a dhundako mazunga a randa txionho; ni wule a guletako txike txakwe, a na wa ti si karati.

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Mavingu 13:10

Kutikulisa kutisa mazunga, aniko wutxhari wu manwa ka vale va ningako milayo.

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.

2 Samuwele 19:41

Wona taku votshe vavamna va ka Israyeli va to ta ka mfumeli, va txi ta kha vona: Ngu kutxani vanathu, vathu va ka Judha va nga ta kuteka ni nyumba yako ve kutxhatukisa Jordhani, kumweko ni votshe vathu va Dhavhidha kani?

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.