Mavingu 17:13 - Bhiblia Yo Sawuleka

¹³ Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

Mavingu 17:13 Referans Kwoze

Varoma 12:17

Mi nga tshumeteleni kubiha ngu kubiha, kambe zamani kumaha ti i ku ta tinene masoni ka votshe vathu.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Masalmo 35:12

Va ni tshumetete wunene ngu wubihi, ni sala ni si nga ni tangu.

Masalmo 38:20

Vona va ni dihela wunene ngu wubihi, ve ni wukela, kasi ani ni khutala ngu kumaha wunene.

2 Samuwele 12:10

Konkuwa koko, kha di na mbi ngadi di huma kambe ditxhari nyumbani kwako, nguko u ni eyisile, u teka msikati wa Uriya, Muheti, kuva e maha msikati wako.

1 Samuwele 24:17

Se a to khene ka Dhavhidha: Awe u lulamile ngutu kupinda ani; nguko awe wu ni tshumetete ngu wunene, kambe ani ni ku tshumetete ngu wubihi.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Matewu 27:5

Se a di vinzile male hahatshi, mu Dithepeleni, ene a to huma e tsula eya ti tshongisa.

Matewu 27:25

Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

1 Samuwele 19:4

Sekoko Jonatani a to womba-womba ni tate wakwe Sawule ngu wunene wa Dhavhidha, a txi khene: U nga onhe awe mfumeli ngu kuwukela txithumi txako Dhavhidha, nguko ni txona kha txa kuonhela, nguko mithumo ya txona njinene ngutu kwako.

1 Samuwele 25:21

Se Dhavhidha a to khene: Ngu ditshuri ni xayisile walo sotshe sile m'thu wuwa a nga ti naso txiwulani, kha kelelelwa ngu txilo ka sotshe si a ku naso, kambe ene a ni tshumetete wubihi ngu wunene.

1 Vafumeli 21:22

se ni na fuvisa nyumba yako nga ti ni nga fuvisisa tona nyumba ya ka Jerobhowamu, mwana Nebhate, ni kufana ni nyumba ya Bhahasa, mwana Ahiya, ngu mhaka ya ti u nga ni vhukisa tona, se u txi onhisa Israyeli.

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.