10 Silayelo sa wulela kha kwati ka m'thu wo pfisisa, kupinda ka txiphukuphuku txo mbi kwapwa.
Ani na kawuka ni kutsayisa votshe vava ni va randako. Wuseta kukhutala kwako u hunduluka.
Txithumi kha txi na mbi laywa ngu mapswi, nguko hambi i ti txo engisa kha txi na mbi pfisisa.
Hambi i diku wo sinza txiphukuphuku ngu dianza da mafaka, nga wu si khukhi wuphukuphuku wa txona.
Tsayisa mtseketseli, se awule wa txiphuta a na gonda wutxhari; kawuka txhari, yi na gonda wuzivi.
Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.
Mwanana wo txhariha wa engisa kulaya ka tate wakwe, aniko mtseketseli kha engisi kukawukwa.
Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.
Awule a sisako wubihi a xota wungana, kambe wule a wusetako mhaka, wa abanisa vale va ku ni wungana wa hombe.
M'thu wu i ku wa mazunga a lavetetela to biha; ngu kumaha keto, ku na rumelwa mtumi wo karata kwakwe.