Mavingu 16:32 - Bhiblia Yo Sawuleka

³² I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Mavingu 16:32 Referans Kwoze

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 25:28

M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Varoma 12:21

U nga xulwe ngu kubiha, kambe xula kubiha ngu wunene.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Masalmo 103:8

Mkoma a tate ngu wumbilu ni wunene; wa timisela na a di tate ngu lirando.

Vaefesu 5:1

Ngu toneto, etetelani Txizimu, anu mi ku vanana va txona vo randeka ngutu.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Mavingu 16:19

I txhuko kuva wo ti namisa moyani ni vale vo divala, kupinda ku abanelana so handwa ni vale vo ti kukumukisa.

2 Vafumeli 5:12

Kuleka eto, ina minambo ya Abhana ni Faripari kona Dhamasku, kha yi pindi ngu wutxhuko otshe mati a Israyeli kani? Ina ni sa sikota kusamba ka ona ni kalamuka kani? A to tshumela e tsula na a di henyile ngutu.

Mavingu 16:31

Wunvi m'bhoti wo dhundeka, wu manekako ka mahanyelo o lulama.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Ekleziyaste 7:8

I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.

Mavingu 25:15

Mthangeli a khongotelwa ngu kutimisela, mawombawombelo amanene ma funya marambu.

Ekleziyaste 7:9

U nga kuluvete kuhenya moyani kwako, nguko kuhenya kuzumba hagari ka siphukuphuku.