Mavingu 16:28 - Bhiblia Yo Sawuleka

²⁸ M'thu wa wubihi a wusa mazunga, se awule wo hemba a hambanisa vale va ku ni wungana ngutu.

Mavingu 16:28 Referans Kwoze

Mavingu 17:9

Awule a sisako wubihi a xota wungana, kambe wule a wusetako mhaka, wa abanisa vale va ku ni wungana wa hombe.

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;

Mavingu 18:8

Mapswi a m'thu wa txibwebwe ma nga sakudya so lombela, si wulelako mndani ka mrumbu.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Mavingu 6:19

wufakazi wa walo wo womba-womba makuhu, ni wule a phayako mazunga ka vanawe.

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.

Mavingu 30:33

Nguko ku txi sengwa masi ka maneka dithoma, se ku txi kamwa thonvu, kuhuma mnoha, se ku txi wuswa kuhenya kuhumisa dizunga.

1 Samuwele 24:9

Se Dhavhidha a to khene ka Sawule: Ngu kutxani u engisa mapswi a vathu vale va ku kha vona: Wona taku Dhavhidha a lava ku ku mahela to biha kani?

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Mavingu 16:27

M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Mavingu 16:29

M'thu wo karata wa kujetela mkwawe, ni ku mtsimbitisa ngu nzila yo biha.

Mavingu 17:17

Randa mngana wako yotshe mbimo, se ngu mbimo ya xomulo a na va mwananu.

Mavingu 18:6

Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.