Mavingu 16:27 - Bhiblia Yo Sawuleka

²⁷ M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Mavingu 16:27 Referans Kwoze

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Mavingu 6:12

M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

1 Samuwele 25:17

Wona koko, konkuwa, u alakanya ti u no maha, nguko ka totshe tiya da ta dikhombo ka nyamne wathu ni ka nyumba yakwe yotshe, kambe ene m'thu wa tshofu, kha ku na wo a nga womba-womba nayo.

Mavingu 2:4

u txi si xotisa kufana ni silivhela, u si lava kufana ni nzalama yo siswa,

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Mavingu 16:26

Awule a thumako o ti thumela ene apune, nguko txisofu txakwe txa mkurumeta.

Mavingu 16:28

M'thu wa wubihi a wusa mazunga, se awule wo hemba a hambanisa vale va ku ni wungana ngutu.

Mavingu 16:30

A pfhumisa maso akwe e pimisela wubihi, e luma txisofu, e maha kubiha.

Mavingu 19:28

Fakazi ya Bheliyali yi tseketsela wululamo, se txisofu txa muonhi txi mita wubihi.