Mavingu 16:21 - Bhiblia Yo Sawuleka

²¹ Awule a ku ni mbilu yo txhariha a na dhanwa ku i txhari, ni kutshambisela ka sisofu ku na engetela.

Mavingu 16:21 Referans Kwoze

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Mavingu 15:7

Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Johani 7:46

Vathumi vale va to xamula, va txi kha vona: “Txima kha hi zivi kuwona m'thu wo wombisa ku nga wuwa!”

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Ekleziyaste 12:10

M'gondisi a to lava kumana mapswi o tsakisa; se mibhalo nja yinene, mapswi a ditshuri.

Mavingu 23:15

Mwanangu, ngako mbilu yako yi di txharihile, yangu mbilu koko yi na tsaka, ina, mbilu yangu yipune.

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Varoma 16:19

Kuengisa kwanu ka ziwa ngu votshe vathu, se ani na tsaka ngu nganu. Aniko ni randa ku mi va mi di vo txhariha ka ti i ku ta tinene, mi si txhariheli kumaha to biha.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Mavingu 16:22

Avale va ku ni mapimo va ni txisima txa wutomi, aniko gondo ya siphukuphuku, njitsayiso ka sona sipune.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Mavingu 10:13

Txisofuni ka txhari kumaneka wutxhari, aniko limhika li peka msana wa wule wo pwata mapimo.

Mavingu 10:23

Kusakana dwe ka maha txiphukuphuku txi onha; na kuve ka m'thu wa mapimo, mbutxhari.