Mavingu 16:20 - Bhiblia Yo Sawuleka

²⁰ Awule a pfisisako dipswi ngu wutxhari a na mana wunene, ni wule a thembako ka Mkoma a na kateka.

Mavingu 16:20 Referans Kwoze

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Masalmo 34:8

Duketani mipune mi txi ti wona to Mkoma mbwa mnene; a katekile m'thu wule a thembako ene!

Mavingu 19:8

Awu a manako mapimo wa randa muhefemulo wakwe; awule a xayisako wutxhari a na mana wunene.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Dhaniyeli 6:23

Sekoko mfumeli a to tsaka ngutu, e rumisa ti taku Dhaniyeli e humiswa diphalani ka tingonyamo; ngu kumaha keto, Dhaniyeli a to humiswa diphalani, se ve mana ti taku kha dawiswa ni ka kudhoto, nguko a ti khotwe ka Txizimu txakwe.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Mavingu 8:35

Nguko awule a no ni mana a na mana wutomi, kambe a na mana kukatekiswa ngu Mkoma.

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

Mavingu 13:15

Mapimiselo amanene ma tsakisa, aniko nzila ya vakanganyisi ya lovisa.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

Mavingu 17:2

Txithumi txo txhariha txi na kawuka mwanana wo hundeka, se txi na abana thomba ni vanawe va mwanana.

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Mavingu 13:13

Awule a nyenyako silayelo a na lova, aniko awule a thavako mlayo, a na wuyelwa.