Mavingu 16:2 - Bhiblia Yo Sawuleka

² Tinzila ta m'thu ti basile masoni kwakwe ene nyamne, aniko Mkoma a kala mimoya.

Mavingu 16:2 Referans Kwoze

Mavingu 21:2

Yotshe nzila yi lulamile masoni ka m'thu, aniko Mkoma a wona timbiluni.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Mavingu 30:12

Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Masalmo 36:2

Ene apune a ti wona i di wamnene ngutu, kasiku asi woni txionho txakwe, e txi nyenya.

Mavingu 5:21

Nguko tinzila ta m'thu ti wonwa ngu maso a Mkoma, kambe ene wa xaxameta totshe tinzila ta m'thu.

Mavingu 16:25

Ku ni nzila yile yi ku nga njinene ka m'thu, aniko magwito akwe ngu tinzila ta lifo.

Dhaniyeli 5:27

Tekele: U pimilwe ha txikaloni, se u maneka u txi hehuka.

Isaya 26:7

Nzila ya wo lulama, yi lulamile yotshe, awe ngu kululama, u pima matsimbilelo a mlulami.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mtuletelo 2:18

Ka ngelozi ya Dibanza da Tiyatira, bhala u txi khawe: “A womba tiya Mwanana wa Txizimu, awu maso akwe ma fanako ni dituro da mndilo, ni mikondo yakwe yi fanako ni msuku.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Mavingu 12:15

Txiphukuphuku txi ti wona txi di ka nzila ya yinene, aniko awule a engisako sileleto a txharihile.

Mitengo 22:32

Sekoko Ngelozi ya Mkoma yi ti kha yona kwakwe: Ngu kutxani u pekisa tiya mbongola yako, sikhati siraru kani? Ngani ni nga ta ku tsivela, nguko ni woni ti to ayiya i nzila yo kuyisa phangoni;

Valamuli 7:6

Se mtengo wa vale va nga khadamutela mati ngu manza, va txi ma yisa mkanani i ti ti 300. Votshe vamwani va to khizama kasi kuve mana kusela mati.

Valamuli 17:6

Ka masiku ale, ku ti si nga ni mfumeli kona Israyeli, mmwani ni mmwani a txo ti mahela ati a nga txi ti wona i di ta tinene kwakwe.

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.