Mavingu 16:19 - Bhiblia Yo Sawuleka

¹⁹ I txhuko kuva wo ti namisa moyani ni vale vo divala, kupinda ku abanelana so handwa ni vale vo ti kukumukisa.

Mavingu 16:19 Referans Kwoze

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Masalmo 34:18

Mkoma a hafuhi ka vale va ku kupandisekani ka mbilu; ene wa hanyisa avale va si swiko va di ni kuthemba.

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Isaya 9:3

Awe u andisile vathu vava, u engetete kutsaka kwawe, votshe va na tsaka masoni kwako, ku nga tile va tsakisako tona va di kufunyelani, ni ti va tsakisako tona va di kuabanelani ka sile va nga handa.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Valamuli 5:30

Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Mavingu 1:13

hi na mana totshe tixaka ta tithomba totshura; hi na tata tinyumba tathu ngu so handa;

Mavingu 1:14

tisa dikato dako hagari kwathu; hotshethu hi na abanelana ngu kudingana.

Mavingu 3:34

Kha ditshuri ene a na xanisa vatseketseli, aniko a na ninga kukateka ka vale vo thutha.

Mavingu 25:7

nguko i txhuko va txi kugela ku kha vona: Kwela u txi ta hawa, kupinda kuwiswa tingana masoni ka mfumeli, a txi kuwona.