Mavingu 16:18 - Bhiblia Yo Sawuleka

¹⁸ Kutikukumukisa kuthangela kufuva, ni kutikulisa ngu moya kuthangela kuwa.

Mavingu 16:18 Referans Kwoze

Mavingu 11:2

Ku txi ta kutikulisa, ti nata ni tona tingana; aniko avale vo ti veka hahatshi, va ni wutxhari.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

Varoma 11:20

Ngu txona; ma phatutwe ngu ku ambi kholwa; se awe u tsani ngu mhaka ya kukholwa, u nga ti kulise, aniko thava!

Mavingu 17:19

Awule a dhundako mazunga a randa txionho; ni wule a guletako txike txakwe, a na wa ti si karati.

Esteri 6:6

Se a di wulete Hamani, mfumeli a to khene kwakwe: Hi na mmahela txani m'thu wule mfumeli a navela ku mtxhatxhazela kani? Sekoko Hamani a to khene mbiluni kwakwe: I mani mmwani a navelako kudhumiswa ngu mfumeli wo pinda ani kani?

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Dhaniyeli 5:22

Se awe mwanana wa kona Bhelxazari, khwa ti veka hahatshi, hambi ku u nga ziva mhaka yotshe.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

Esteri 3:5

Ngako Hamani a di woni koko ti to Mordhekayi kha nami, kambe kha mkhizami masoni kwakwe, Hamani a to tala ngu kuhenya.

Dhaniyeli 5:24

Sekoko di tile ngu ka Txizimu dianza dile di nga bhala mibhalo yiya.

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

1 Samuwele 17:42

Se mbimo yi Mufilista a nga wona Dhavhidha a to mueyisa, nguko i ti ti ngadi mfana, wo tshura, wa txiemo txo khaleka.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Jeremiya 49:16

Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.

Ezekhiyele 29:9

Se ditiko da Egipta di na maha dirumbi ni txiwula; kambe va na tiziva taku ani ngani Mkoma. Nguko u ti khawe: Mnambo mbwangu, ngani ni nga wu maha,

Valamuli 11:28

Aniko mfumeli wa va ka Amoni kha engisa txilo ka mapswi awa Jefta a nga mrumela.

Jeremiya 50:32

Awule wa kutikulisa, a na ti guta a txi wa, kha ku na mbi va ni wammweyo wa ku mu wusa; ni na dhivela mndilo ka madhoropa akwe, awu wu no hisetela otshe makhalo akwe.

Ezekhiyele 28:17

Mbilu yako yi gulekile ngu mhaka ya kutshura kwako, u onhile wutxhari wako ngu mhaka ya kuphatima kwako, ni ku tshotshile ha mafuni, ni kuvekile masoni ka vafumeli, kasi kuva txi kuwonetela.

Dhaniyeli 11:12

Se di txi kula dibutho, mbilu yakwe yi na ti kukumukisa; aniko, hambi ku ku no dawelwa mazana-zana a vathu, kha na mbi xula.

Luka 14:9

Awu a nga kuramba awe ni nene, a txi ta a ta kugela ku khene: Khukha ka ewo wukhalo, a na zumba awuwa. Konaho, awe, ngu tingana, u na khukha u txi ya ka wukhalo wo gwitisa.