Mavingu 16:17 - Bhiblia Yo Sawuleka

¹⁷ Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.

Mavingu 16:17 Referans Kwoze

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Mavingu 19:16

Awule a vekisako mlayo, a na vekisa muhefemulo wakwe; aniko awule a txhipisako tinzila ta tinene a na fa.

Mavingu 10:9

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Judha 1:21

ti veketeni lirandoni ka Txizimu, mi txi veka kuthemba kwanu ka wumbilu wa Mkoma Wathu Jesu Kristu, kasi ku mi na mana wutomi wo mbi guma.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Mithumo 24:16

Ngu konaho, yotshe mbimo ni khutalako kutsimbila ngu nzila yo lulama masoni ka Txizimu ni ka vathu.”

Mithumo 10:35

Kambe ka dihi ni dihi ditiko, awule a txi thavako ni kumaha to lulama wa sikota kuamukelwa ngu txona.

Matewu 24:13

Aniko awule a no zumba a di tsani kala magwito, a na hanyiswa.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 22:5

Nzilani ka wo biha ku ni mipa ni milawu, awu a xayisako dihika dakwe, asi rethela kule.