Mavingu 16:16 - Bhiblia Yo Sawuleka

¹⁶ I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Mavingu 16:16 Referans Kwoze

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Mavingu 8:19

Mihando yangu yi txhuko kupinda nzalama, ina nzalama yo sefwa; ni si si humako ngu kwangu, si txhuko kupinda silivhela yo sawulwa.

Ekleziyaste 7:12

Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.

Mavingu 4:7

Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Masalmo 119:127

Ngu toneto, na randa ngutu milayo yako, kupinda nzalama ya yinene ngutu.

Mavingu 3:14

Nguko i txhuko siya sa wutxhari kupinda siya sa silivhela, ni dibhindu da kona kupinda nzalama yo hehuka.

Mavingu 4:5

Mana wutxhari, mana mapimo, u nga divale hambi kuhambana ni mapswi a txisofu txangu.

Mavingu 2:4

u txi si xotisa kufana ni silivhela, u si lava kufana ni nzalama yo siswa,

Mavingu 3:13

A katekile m'thu wule a manako wutxhari, ni m'thu wule a manako wuzivi.