Mavingu 16:14 - Bhiblia Yo Sawuleka

¹⁴ Txiviti txa mfumeli txi fanana ni mtumi wa lifo, kambe m'thu wo txhariha a na mmalata.

Mavingu 16:14 Referans Kwoze

Mavingu 20:2

Kuthisa ka mfumeli kufana ni kubhonga ka ngonyamo; awule a mwuselako kuhenya, o lwisa muhefemulo wakwe apune.

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

Mithumo 12:20

Herodha a ti ni txiviti ni vathu va Tiro ni Sidhoni, kambe vona va to langana ve ta kwakwe. Se ku ti ngako va di engisani ni Blasto mthangeli wa hombe wa mfumeli, va to kombela kudikha ka ditiko, nguko ditiko dawe di ti tshunzela ditikoni ka mfumeli.

Marku 6:27

Se kunukunuko, a to ruma nduna e yi leleta ku yi na nehe msungo wa Johani.

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

Mavingu 17:11

M'thu wu i ku wa mazunga a lavetetela to biha; ngu kumaha keto, ku na rumelwa mtumi wo karata kwakwe.

Genesisi 40:2

Se Faro a to henyela ngutu mithenwa yakwe ya yimbidi, ni mthangeli wa vatheleli va so sela, ni mthangeli wa vabhiki va mapawu.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 16:13

Sisofu sa wululamo sa tsakisa vafumeli, se vona va dhunda wule a wombawombako timhaka to lulama.

Mavingu 16:15

Masoni ka khohe ya mfumeli ku ni wutomi, kambe wunene wakwe wu fana ni matshutshelo a nzuma.

Mavingu 29:8

Vatseketseli va turisa mndilo wa pfilu-pfilu didhoropani, kambe avale vo txhariha, va releta kuhenya.

Esteri 7:7

Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha.

Mavingu 29:26

Vathu vavangi va lava khohe ya mthangeli, aniko kululama ka mmweyo ni mmweyo kuta ngu ka Mkoma.

Dhaniyeli 2:16

Se Dhaniyeli a to wulela e kombela ka mfumeli ku e mninga mbimo yo ta mtxhamusela mloro.