Mavingu 15:9 - Bhiblia Yo Sawuleka

⁹ Nzila ya muonhi njinyenyeko ka Mkoma, aniko ene a randa wule a tsimbilako ngu kululama.

Mavingu 15:9 Referans Kwoze

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Mavingu 21:21

Wule a londetako kululama ni wunene, a na mana wutomi, kululama ni kudhundeka.

Matewu 7:13

“Wulelani ngu txike txo songa, nguko txike txa kuanama ni nzila ya kuanama si yisa kulovani; se mbavangi va wulelako ngu sona.

Habhakuki 1:13

Awe u ni maso amanene, ma si dinganiko kuwona to biha, kambe khu tumeli ni kuwona tingana; ngu kutxani koko, u wonako vale va mahako ta walo, u malala, ngako m'bihi a txi mita wule wo lulama kupinda ene kani?

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Jeremiya 44:4

Ni mi rumelete sotshe sithumi sangu i ku vaprofeti, ni mixo ngutu ku ta womba tiya: Mi nga maheni wubihi wu ni wu nyenyako.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

Isaya 26:7

Nzila ya wo lulama, yi lulamile yotshe, awe ngu kululama, u pima matsimbilelo a mlulami.

Mavingu 21:8

Nzila ya m'thu wo biha njo xanisa ngutu, kambe mithumo ya wo sawuleka njinene.

Mavingu 21:4

Kuwona ko tikulisa, ni mbilu yo ti guleta, njionho txa wo biha.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Mavingu 15:10

Kukawuka kuho txitimwi ka wule a lekako nzila, se wule a nyenyako silayo, a na fa.

Masalmo 5:5

Avale va ti kulisako kha va na wukhalo hafuhi kwako nguko awe wa nyenya votshe vale va mahako kubiha

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.