Mavingu 15:7 - Bhiblia Yo Sawuleka

⁷ Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.

Mavingu 15:7 Referans Kwoze

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Marku 16:15

Ene a to va gela a txi khene: “Tsimbilani ngu ka dotshe ditiko, mi txi txhumayela Evhangeli ka sotshe sivangwa.

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Ndando ya Tindando 4:11

Mahesa a wulombe ma khulunga ha txisofu kwako, awe msikati wangu! Wulombe ni masi si hahatshi ka lidimi lako, se kubhumula ka syambalo sako, nga ka Libhanoni.

Masalmo 119:13

Ni na wuyelela kuhuwelela ngu dipswi do pfala yotshe mithetho yi u nga yi womba ngu txisofu txako.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

Masalmo 37:30

Txisofu txa m'thu wo lulama txi womba mapswi a wutxhari; lidimi lakwe li womba mapimo amanene.

2 Timoti 2:2

Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Mavingu 15:6

Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mavingu 5:2

kasi ku u na xayisa siziviso sangu, ni txisofu txako txi vekete wuzivi.

Mavingu 16:23

Mbilu ya m'thu wo txhariha, ya gondisa txisofu txakwe, kambe ya engetela gondo ka txisofu txakwe.

Ekleziyaste 10:2

Mbilu ya txhari yi txineneni ka yona, aniko mbilu ya txiphukuphuku yi txibhabha ka txona.