Mavingu 15:5 - Bhiblia Yo Sawuleka

⁵ Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.

Mavingu 15:5 Referans Kwoze

Mavingu 13:18

Wusiwana ni tingana si nata ka wule a nyenyako kulaywa, aniko awule a veketako kukawukwa, a na dhundwa.

Mavingu 13:1

Mwanana wo txhariha wa engisa kulaya ka tate wakwe, aniko mtseketseli kha engisi kukawukwa.

Mavingu 19:20

Engisa sileleto, u amukela kukawukwa, u na va txhari ka masiku ako o gwitisa.

Titosi 2:15

Va gele totshe tiya. Va laye u txi va kawuka ngu wotshe mtamo. Ku nga ve ni wo thuka a txi kukanyisa.

Titosi 1:13

Kunene wufakazi wuwa mbwa ditshuri. Ngu konaho, va kawuke ngu mtamo, kasiku ve tsana amu ka likholo,

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Mavingu 10:1

Ndiya Mavingu a Solomoni. Mwanana wo txhariha a tsakisa tate wakwe, aniko mwanana wu i ku txiphukuphuku i xomulo ka mwamwakwe.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Mavingu 1:23

Hundulukani ngu mhaka ya kukawuka kwangu; wonani taku ni na thela moya wangu txitimwi kwanu, kambe ni na mi maha mi ziva mapswi angu.

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 15:4

Mndonga wa wutomi, ngu lidimi li li hanyako, kambe wubihi wa lona, wa funya muhefemulo.

Mavingu 15:6

Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.