Mavingu 15:33 - Bhiblia Yo Sawuleka

³³ Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Mavingu 15:33 Referans Kwoze

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Jakobe 4:10

Ti vekeni hahatshi masoni ka Mkoma, se ene a na mi guleta.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Masalmo 34:11

Vanangu, ngonani, mi ta ni engisa: Ni na mi gondisa kuthava Mkoma.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Mavingu 1:2

Kasi ku na ziva ngu ona wutxhari ni gondo; kasi ku na pfisisa mapswi o pimeka;

Mavingu 15:32

Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Mavingu 16:1

Kulongisela kuhuma mbiluni ka m'thu, aniko xamulo yita ngu txisofuni ka Mkoma.

Esteri 2:15

Se ku di hokile koko mbimo ya Esteri, mwana Abhiyayeli, tatanyani wa Mordhekayi (awule a nga wunja Esteri kota mwanana wakwe), ya kuya ka mfumeli, kha kombela txilo hahanze ka tile a nga gelwa ngu Hegayi, mthenwa wa mfumeli, muwoneleli wa vavasikati; kambe Esteri a ti ti mana dithomo ka votshe vale va nga ti ti muwona.