Mavingu 15:32 - Bhiblia Yo Sawuleka

³² Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Mavingu 15:32 Referans Kwoze

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Isaya 1:5

Ngu kutxani mi no tsayiswa, nga kusimama miya masoni ngu kueyisa kani? Wotshe msungo wa lwala, ni yotshe mbilu yi pandisekile.

Mavingu 18:15

Mbilu ya txhari ya mana wuzivi, se nzeve ya titxhari ya mana wuzivi.

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Mavingu 17:16

Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

Mavingu 15:21

Wuphukuphuku litsako ka wule wo pwata mapimo, aniko m'thu wa mapimo a tsimbila ngu kululama.

Mavingu 15:14

Mbilu yo pfisisa ya xota wuzivi, aniko txisofu txa siphukuphuku txi na dyiswa ngu wuphukuphuku wa txona.

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

Dhewuteronome 21:20

se veya womba ka madhota a didhoropa va txi kha vona: “Mwanana wuwa wathu ana ni kanu, kambe kha nga ni txithavo, kha hi engisi, ana ni makolo, kambe didevi.”

Dhewuteronome 21:18

Ngako m'thu wokari a di ni mwanana wa txihwiri, a di ni kanu, asi engisiko tate wakwe ni mame wakwe, awu waku, hambi va txi mlaya, kha khatali;

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Mavingu 13:18

Wusiwana ni tingana si nata ka wule a nyenyako kulaywa, aniko awule a veketako kukawukwa, a na dhundwa.

Mavingu 15:5

Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.

Mavingu 15:31

Awule a engisako milayo yo hanyisa, a na aka m'ti hagari ka titxhari.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Ekleziyaste 7:5

I txhuko kuengisa kukawukwa ngu txhari, kupinda kuengisela ndando ya txiphukuphuku.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Mavingu 10:17

Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.

Mavingu 19:20

Engisa sileleto, u amukela kukawukwa, u na va txhari ka masiku ako o gwitisa.