Mavingu 15:28 - Bhiblia Yo Sawuleka

²⁸ Mbilu ya m'thu wo lulama ya pimisa ti a no xamula, aniko txisofu txa vaonhi, txi theketela sasingi so biha.

Mavingu 15:28 Referans Kwoze

1 Pedro 3:15

Dhumisani Mkoma Kristu timbiluni kwanu; mi zumba kambe mi di longile nzila ya kutiangulela, ngu kuthutha ni txithavo, ka wuhi ni wuhi a no lava kuziva mhaka ya themba yanu.

Mavingu 29:11

Txiphukuphuku txa hangalasa kuhenya ka txona kotshe, aniko txhari ya sisa, ni ku ti layetela.

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Ekleziyaste 5:6

U nga tumele taku txisofu txako txi onhisa mmidi wako, hambi kuwomba masoni ka ngelozi taku i phazamo; ngu kutxani Txizimu txi no henyela dipswi dako, txi khundumusela mithumo ya manza ako kani?

Mavingu 29:20

U ti nga mmona m'thu wa magwava amu ka mapswi akwe kani? Txiphukuphuku txa thembeka kupinda ene.

Mavingu 16:23

Mbilu ya m'thu wo txhariha, ya gondisa txisofu txakwe, kambe ya engetela gondo ka txisofu txakwe.

Mavingu 13:16

Votshe vale vo txhariha va tsimbila ngu wuzivi, aniko txiphukuphuku txi hangalasa wuphukuphuku wa txona.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Masalmo 59:7

Sisofu sawe sa maha likwaha; mapswi awe ma fana ni matxhari o hinda; nguko va kha vona: “I mani a hi engisako kani?”

Mavingu 10:32

Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.