Mavingu 15:23 - Bhiblia Yo Sawuleka

²³ M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Mavingu 15:23 Referans Kwoze

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Mavingu 16:13

Sisofu sa wululamo sa tsakisa vafumeli, se vona va dhunda wule a wombawombako timhaka to lulama.

Mavingu 24:26

Mpswopswa ngu txisofu, awule a xamulako mapswi amanene.

Ekleziyaste 3:1

Sotshe si ni mbimo ya sona, yi si nga emiselwa yona, se ku ni mbimo ya sotshe si si ku hahatshi ka nzuma:

Mavingu 15:22

Aha ku kuwalo mlayo, mithumo ya kona kha yi na dibhindu, aniko yi tsaniswa ngu madhota amangi.

Jobe 6:25

O! Mapswi a ditshuri ma ni mtamo ngutu! Aniko nji txani txi xolako tximangalo txanu kani?

Mavingu 12:25

Kuvilela ka mbiluni ka gomisa m'thu, kambe mapswi amanene ma mtsakisa.

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Johani 1:37

Vagondiswa vale va vambidi, ngako va txi engisa mapswi ale a nga ma womba, va to londisa Jesu.

Johani 11:29

A di engisile eto, a to kuluveta kukhukha, e tsula kwakwe.