Mavingu 15:19 - Bhiblia Yo Sawuleka

¹⁹ Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Mavingu 15:19 Referans Kwoze

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Isaya 30:21

Se tinzeve tako ti na engisa dipswi msana kwako, di txi kha dona: Nzila ngu yona yi; tsimbilani ka yona, mi nga jikeni miya txinene mwendo txibhabha.

Mavingu 22:5

Nzilani ka wo biha ku ni mipa ni milawu, awu a xayisako dihika dakwe, asi rethela kule.

Mavingu 26:13

Mkara a khene: Ku ni ngonyamo hanzila; ku ni ngonyamo digondoni.

Mavingu 22:13

Mkara a khene: Hahanze ku ni ngonyamo; ni txo huma ni na ya dawa tinzilani.

Mavingu 8:9

Otshe mapswi amanene ka wule a ma pfisisako; ni kululama ka vale va manako wuzivi.

Masalmo 27:11

Ni gondise, Mkoma, ati u ti lavako ni ti maha, u ni tsimbitisa ngu nzila yo lulama, nguko valala vangu mbavangi.

Mavingu 3:6

Alakanya ene ka totshe tinzila tako, se ene a na lulamisa tinzila tako.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

Isaya 57:14

Se ku na wombwa taku: Lulamisani, lulamisani, longiselani nzila; thavisani sitsha ka nzila ya vathu vangu.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 15:20

Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.

Mavingu 6:6

Tsula u ya wonana ni titshokoti, awe mkara; wona tinzila ta tona, u na txhariha.

Mavingu 11:5

Kululama ka m'thu wa ditshuri ku na lulamisa nzila yakwe, aniko awule wo biha a na wiswa ngu wubihi wakwe.