Mavingu 15:15 - Bhiblia Yo Sawuleka

¹⁵ Otshe masiku a m'thu wo xaniseka ma bihile, aniko awule mbilu yakwe yi tsakako, a ni m'buso wo mbi gwita.

Mavingu 15:15 Referans Kwoze

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Varoma 12:12

Tsakani kuthembani kwanu, mi txi timisela kuxanisekani; mi txi simama kukhongelani.

Mavingu 15:13

Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.

Mavingu 17:22

Mbilu yo tsaka mrende wa wunene, kambe moya wo funyeka wa omisa marambu.

Varoma 5:11

Kambe hi nga toneto tokha, aniko kambe ha giya ngu ka Txizimu, ngu mhaka ya Mkoma wathu Jesu Kristu, awuwa hi nga mana kutshanganiswa ngu ngene.

2 Vakorinto 1:5

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

Mithumo 16:25

Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

1 Pedro 4:13

Aniko, tsakani ngu kumana txyavelo txa sixaniso sa Kristu, kasi ku na nanu, mi txi ta sikota kutsaka ni kugiya, ka ditshiku di ku nota kombiswa kupfaliswa ka Kristu.

Mavingu 16:22

Avale va ku ni mapimo va ni txisima txa wutomi, aniko gondo ya siphukuphuku, njitsayiso ka sona sipune.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

Mavingu 15:14

Mbilu yo pfisisa ya xota wuzivi, aniko txisofu txa siphukuphuku txi na dyiswa ngu wuphukuphuku wa txona.

Mavingu 15:16

I txhuko kuva ni sa sidotho u txi thava Mkoma, kupinda kuva ni thomba ya hombe, na ku si nga ni kuthutha.