Mavingu 14:8 - Bhiblia Yo Sawuleka

⁸ Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

Mavingu 14:8 Referans Kwoze

Vaefesu 5:17

Ngu toneto, mi nga ti maheni mabhemba, aniko lavani kuziva kuranda ka Txizimu.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Mavingu 11:18

Muonhi a amukela hakhelo ya wukanganyisi, aniko ka wule a phayako wululamo, ku nava ni hakhelo ya yinene.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Mavingu 2:9

Sekoko u na ziva wululamo, ni wulamuli, ni kudinganisa, ni dotshe ditshuri da dinene.

Masalmo 119:73

Ani u ni vangile, u txi ni wumba ngu manza ako; ni ninge mapimo, kasiku ni gonda sirumo sako!

Masalmo 119:5

Ani na ti dhunda ngutu kuzumba ni di tsani nzilani ko thembeka, ni xayisa milayo yako!

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Jeremiya 13:20

Guletani maso anu mi wona vale vatako ngu Wuphemba. Va hani vathu va u nga ti ningilwe vona, vathu vako vo dhundeka kani?

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”

Mavingu 15:21

Wuphukuphuku litsako ka wule wo pwata mapimo, aniko m'thu wa mapimo a tsimbila ngu kululama.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Ekleziyaste 2:13

Sekoko ni to wona ti to wutxhari mbunene ngutu kupinda wuphukuphuku, kufana ni kule kuwoninga i ku kunene ngutu kupinda txidema.

Ekleziyaste 2:16

Nguko kha ku na mbiswa kambe ku va ni txyalakanyiso txa txhari kupinda txa txiphukuphuku; ka timbimo ti titako, votshe va na divalwa do gwita. Ati txhari yi fisako tona, ni txona txiphukuphuku txi fisa toneto.