Mavingu 14:32 - Bhiblia Yo Sawuleka

³² Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mavingu 14:32 Referans Kwoze

2 Timoti 4:18

Mkoma a na ni hulusa ni ka yotshe mithumo yo biha; a na ni ponisa kasiku e ni yisa ka Mfumo wakwe wa nzumani. Kupfaliswa ku nave kwakwe ngu malembe ni malembe. Amen.

2 Vakorinto 5:8

Athu hi ku ni kuthemba, hi navela kuhuma ka mmidi wuwa hi txi ya zumba ni Mkoma.

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

Genesisi 49:18

Mkoma, ni verela kutirulwa ngu ngawe!

2 Vakorinto 1:9

Hi ti pfite kha ditshuri hi di vathu va va nga abaniselwa kufa. Atiya, ti hi ningile ku hi si ti thembi athu hipune, aniko, hi themba Txizimu, atxi txi wusako vafi.

Mavingu 24:16

Nguko awule wo lulama hambi a txi wa mtxhanu ni kumbidi, ngu magwito a na wuka; aniko vabihi va na ti gumula kubihani.

Masalmo 37:37

Wona m'thu wo thaviseka, wonisisa m'thu wo lulama; m'thu wo dikha a na va ni vatukulu.

Jobe 13:15

Hambi txi txi ni daya Txizimu, ni na ema ka txona; ni na emela totshe tinzila tangu masoni ka txona.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Vafilipiya 1:21

Nguko ani ni khani: Kuhanya i Kristu, kufa i dibhindu.

Varoma 9:22

Hi na khathu txani ngako Txizimu txi txi lava kukombisa kuhenya ka txona ni kuzivisa mtamo wa txona? Txizimu txi vile ni kutimisela ngutu ka vale va nga ti fanela kuhenyelwa ngu txona, avale va nga ti lulamisetwe kufuviswa.

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Luka 2:29

“Mkoma, se konkuwa u nga sikota kuleka txithumi txako txi tsula ngu kudikha, nga kuwomba kwako,

Mavingu 6:15

Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.

Masalmo 58:9

Tikhadi tawe ti sanzi kuhala ngu kupfa mndilo wa tikhuni to nakana mwendo to oma, ti na hangalaswe ngu txihuhuri ti tshotshwa kule.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Jobe 18:18

Ngu kuwonekelani va na mtshotsha txidemani, kambe va na mtutumisa ha ditikoni.

Masalmo 73:24

Ngawe u ni tsimbitisako ngu mlayo wako u na ni amukela kudhumiswani kwako.

Mavingu 14:33

Mbiluni ka txhari ku tate ngu wutxhari, aniko a ti ti ku mndani ka txiphukuphuku ta zivaneka.

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Mavingu 11:5

Kululama ka m'thu wa ditshuri ku na lulamisa nzila yakwe, aniko awule wo biha a na wiswa ngu wubihi wakwe.