Mavingu 14:30 - Bhiblia Yo Sawuleka

³⁰ Mbilu yo hanya kha kwati mbutomi wa mmidi, aniko dibava ngu sina ka marambu.

Mavingu 14:30 Referans Kwoze

Mavingu 17:22

Mbilu yo tsaka mrende wa wunene, kambe moya wo funyeka wa omisa marambu.

Mavingu 3:8

Eto ti na maha mrende ka m'dhende wako, ni moloko ka marambu ako.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Mavingu 12:4

Wamsikati wamnene m'bhoti ka mwamna wakwe, aniko awule a wisako tingana a fana ni kusina mndani ka marambu akwe.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

2 Timoti 1:7

Nguko Txizimu kha txa hi ninga moya wa dizowa, aniko txi hi ningile moya wa mtamo, ni wa lirando ni kutipimela.

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Jakobe 4:5

Mwendo mi pimisa ti to mibhalo yo womba walo ngako yi txi womba tito: “Moya wu wu zumbako kwathu, Txizimu txi wu randa ngu txiluse, kani?”

Mithumo 7:9

“Se vanana vava va Jakobe i ku vanyampande vathu va to va ni wukwele ka Josefa, ve mu xavisa, e yiswa Egipta, kambe Txizimu txi ti ni nene.

Mavingu 15:13

Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

1 Vafumeli 21:6

Se Akabe a to khene ka msikati wakwe Jezabheli: Ngu ti to ni gela Nabhote, Mujerireyeli, ni txi khani: Ni xavisele thembwe yako ngu male; mwendo u txi ti lava ni na kuninga yimwani thembe ka wukhalo wa yiya. Aniko Nabhote a to khene: Kha ni na mbi kuninga thembwe yangu.