Mavingu 14:3 - Bhiblia Yo Sawuleka

³ Ngu mkanani ka txiphukuphuku kuhuma ndonga ya kutikulisa, aniko txisofu txa txhari txi na yi xayisa.

Mavingu 14:3 Referans Kwoze

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Dhaniyeli 7:20

se ni timhaka ta digumi da titxheho, ni txi txhehwana txi txi nga huma hagari ka tona, masoni ka txona ku nga wa tiraru, txitxhehwana txa kona txi ti ni maso, ni txisofu txo womba-womba mapswi o guleka ngutu, txo tsana kupinda vangana va txona.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

Mavingu 21:24

M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.

Mavingu 18:6

Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 12:3

Va fuvise, Mkoma, vakanganyisi, ni votshe vale va wombawombako ngu kutikulisa,

Jobe 5:21

U na tsivelwa kukwapwa ngu lidimi; kambe khu na mbi dhudhumeliswa ngu txingumula ngako txi txita.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

Mavingu 14:4

Ku si nga ni tihomu, txisangala txi zumba diphanga, aniko ngu mtamo wa homu, kuho kuelula ko pfuna.

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Mavingu 18:7

Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.