Mavingu 14:24 - Bhiblia Yo Sawuleka

²⁴ M'bhoti wa titxhari ngu thomba yawe, wuphukuphuku wa siphukuphuku ngu wuphukuphuku wa sona.

Mavingu 14:24 Referans Kwoze

Luka 16:9

“Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma.

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Mavingu 27:22

Hambi i diku wo sinza txiphukuphuku ngu dianza da mafaka, nga wu si khukhi wuphukuphuku wa txona.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Mavingu 13:8

Kuwuyelwa ka m'thu ni m'thu ngu tithomba takwe, aniko txisiwana kha txi pfi kudhukiselwa.

Mavingu 14:23

Ka yotshe mithumo ku ni dibhindu, aniko mapswi a txisofu ma yisa wusiwanani.

Mavingu 21:20

Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.