Mavingu 14:21 - Bhiblia Yo Sawuleka

²¹ Awule a txhipisako muakelani wa onha, aniko awule a xanisekelako sisiwana a katekile.

Mavingu 14:21 Referans Kwoze

Mavingu 28:27

Awule ahako txisiwana, kha na mbi kelelelwa, kambe wule a pfhumisako maso, a na va ni kuxaniseka ka hombe.

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Mavingu 11:12

Awule a txhipisako mwakelani wakwe mbwo pwata wutxhari, aniko awule a ku ni mapimo o malala.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Mavingu 18:3

A txi ta muonhi, ata ni kutxhipisa; txiruko txita ngu mu ka tingana.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Luka 18:9

Jesu a to maha kambe txidinganiso txiya ka vale va nga txi ti themba nga vathu vo lulama, na va txi kanyisa vakwawe:

Mavingu 21:10

Dihika da wo biha, di alakanyela kubiha; muakelani wakwe ka tsakisi masoni kwakwe.

Mavingu 28:8

Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.