Mavingu 14:2 - Bhiblia Yo Sawuleka

² Awule a tsimbilako ngu ka wunene wakwe wa thava Mkoma, aniko awule a ku ka nzila yo wekela, wa mtxhipisa.

Mavingu 14:2 Referans Kwoze

Mithumo 10:35

Kambe ka dihi ni dihi ditiko, awule a txi thavako ni kumaha to lulama wa sikota kuamukelwa ngu txona.

Mavingu 28:6

I txhuko txisiwana txile txi tsimbilako ditshurini, kupinda nyatithombe wa tinzila to biha.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Mavingu 16:17

Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.

Mavingu 11:12

Awule a txhipisako mwakelani wakwe mbwo pwata wutxhari, aniko awule a ku ni mapimo o malala.

Mavingu 2:15

emo ditshuri da kona i ku do xanisa ni mithumo yawe i kuyo timetwa;

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

2 Samuwele 12:9

Ngu kutxani koko, u nga eyisa dipswi da Mkoma ngu kumaha to biha masoni kwakwe kani? U date Uriya, Muheti ngu ditxhari, u tshumela u teka msikati wakwe wu mmaha wako; kambe u mdate ngu ditxhari da vanana va ka Amoni.

2 Vafumeli 17:34

Kala ka ditshiku da nyamsi, va maha sona sihena sile sa kukhata; kha va thavi Mkoma, kambe kha va londisi sileleto sakwe ni silayelo sakwe, hambi milayo, ni sirumo sile Mkoma a nga ruma vanana va Jakobe, awule a nga mninga ditina da Israyeli.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.