Mavingu 14:14 - Bhiblia Yo Sawuleka

¹⁴ M'thu wa mbilu yo mbi thembeka a na kolwa ngu tinzila takwe, aniko m'thu wamnene, a na ti khurisa apune.

Mavingu 14:14 Referans Kwoze

Vagalatiya 6:8

Awule a phayako so tsakisa mtumbuluko wakwe wa nyama, a na elula so sina si humako ka mtumbuluko wakwe wonewo; aniko awu a phayako so tsakisa Moya, a na elula asi si humako ka wona Moya, i ku wutomi wo mbi guma.

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Jeremiya 8:5

Ngu kutxani vathu va Jerusalema ve timela da magwito kani? Va tsani mu ka kutimela, va lamba kuwuya.

Vagalatiya 6:4

Aniko m'thu ni m'thu a na wonisise mithumo yakwe, se ngu kona a no sikota ku ti dhumisa ngu mithumo yakwe dwe, i si nga ngu ku ti dinganisa ni vamwani;

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Mavingu 14:10

Mbilu ngu yona yi zivako kupandiseka ka yona, kambe mmwani kha na kupfa litsako la yona.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Hoseya 4:16

Nguko va ka Israyeli va ni kanu kufana ni homu ya makati ya kanu; konkuwa Mkoma a na va dyisa kufana ni txinvutana ka wukhalo wo anama.

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.

Masalmo 109:17

A randile kuruketela: “Konkuwa siruko si na wuyela ene! A ti si naveleli vamwani makatekwa: Ngu toneto, mathomo ma nave kule ni nene!

Mavingu 9:12

Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.

Mavingu 12:21

Kha ku na txikarato ni txa tximwetxo txi nota ka wo lulama, aniko vaonhi va taletwe ngu wubihi.

Mavingu 14:15

Txiphukuphuku txi tumela otshe mapswi, aniko m'thu wo txhariha a xolisisa otshe mapswi.

Mavingu 18:20

Mrumbu wa m'thu ni m'thu wu na khuriswa ngu mapswi a txisofu txakwe; a na khuriswa ngu si si humako txisofuni kwakwe.