Mavingu 14:10 - Bhiblia Yo Sawuleka

¹⁰ Mbilu ngu yona yi zivako kupandiseka ka yona, kambe mmwani kha na kupfa litsako la yona.

Mavingu 14:10 Referans Kwoze

Vafilipiya 4:7

Sekoko kuthutha ka Txizimu, kupindako wotshe wuzivi, ku na veketa timbilu tanu ni mialakanyo yanu ngu Kristu Jesu.

Mavingu 18:14

Kutsaka ka mbilu ya m'thu, ku na kalamukisa malwati akwe, aniko i mani a nga wusako mbilu yo pandiseka kani?

Mavingu 15:13

Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.

Jobe 10:1

Dihika dangu da swihala ngu wutomi wangu; ni na laphisa mbimo ni txi ti tsetsa, ni na womba-womba kupandisekani ka muhefemulo wangu.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Johani 14:18

“Kha ni na mbi mi siya wusiwanani, ni na wuya ni ta zumba ni nanu.

Jobe 7:11

Ngu maha ya eto, kha ni na mbi bundamisa txisofu txangu; ni na womba-womba kuxanisekani ka moya wangu; ni na ti bika kuxanisekani ka dihika dangu.

1 Samuwele 1:10

Ana koko, ngu kupandiseka moyani kwakwe, a to maha mkombelo ka Mkoma, na a txi dila ngutu.

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Ezekhiyele 3:14

Sekoko Moya wu to ni gula wu txi ni teka; se ni to tsula ni di henyile ngutu, ku txi tura moya wangu; aniko dianza da Mkoma di ti ti ni mtamo txitimwi kwangu.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Jobe 9:18

Txizimu kha txi ni tumeli ni kuhefemula; aniko txa ni tata ngu kubava.

2 Vafumeli 4:27

Se mbimo yile a nga hoka koko ka m'thu wa Txizimu mmangoni, a to ñola mikondo yakwe; aniko Gehazi a to tshuketa kuya mthavisa; kambe m'thu wa Txizimu a to khene: Mleke, nguko dihika dakwe di mu ko pandiseka ngu sixaniso, na kuve Mkoma a ni sisete, kha ni komba mhaka yiya.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

Jobe 21:25

Se mmwani afa na moya wakwe wu di mu ka xomulo, a sa nga nga duketa kupfa ta tinene.

1 Samuwele 1:15

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka Mkoma.