Mavingu 13:6 - Bhiblia Yo Sawuleka

⁶ Wululamo wa xayisa m'thu wamnene nzilani kwakwe, aniko wubihi wu na wisa muonhi.

Mavingu 13:6 Referans Kwoze

Mavingu 11:3

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Mavingu 21:12

Ngu wuzivi wakwe wule wo lulama, wa khatalela nyumba ya wo biha, mbimo yile vabihi va ndindwako ve yiswa kubihani.

Masalmo 140:11

Vathu va makuhu va na fuve ha mafuni; makhombo ma na londisele sigevenga kala kuza me si fuvisa.

Masalmo 26:1

Ni lamulele, Mkoma, nguko ni tsimbila ngu nzila yo lulama; ani ni themba awe Mkoma; kha ni kanakani.

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

Mavingu 5:22

Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

2 Makronika 28:23

Nguko a to phaxela ka sizimu sa Dhamasku, sile si nga mxula, se a nje khene: Ngako sizimu sa vafumeli va Siriya si nga va vhuna, ni na si mahela miphaxo, kasi ku si na ni vhuna. Aniko si to va lovisa vona, ni va ka Israyeli.

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

Mavingu 10:29

Nzila ya Mkoma njitsaniso ka vo lulama, aniko kufuviswa ku nata ka vale va mahako to biha.

Mavingu 11:20

Avale va timbilu to biha njinyenyeko ka Mkoma, aniko avale tinzila tawe i ku tinene, va mtsakisa.

1 Vafumeli 1:52

Se Solomoni a to khene: Ngako i ti m'thu wamnene, hambi ni msisi wumwewo wakwe kha wu na mbi wa hahatshi; aniko, a txo manwa ni wubihi, a na fa.

1 Vafumeli 13:34

Eto ti mahile txionho nyumbani ka Jerobhowamu, kasi ku yi hasamula ni ku yi fuvisa ha mafuni.