Mavingu 13:5 - Bhiblia Yo Sawuleka

⁵ M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.

Mavingu 13:5 Referans Kwoze

Vakolosa 3:9

Mi nga hembelaneni, nguko mi xivite m'thu wa kale ni hanyelo yakwe;

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Mavingu 3:35

Thomba ya titxhari ngu wudhundo, aniko siphukuphuku sa ti lavela pfilu-pfilu.

Masalmo 119:163

Na nyenya makuhu, kha ni ma lavi, aniko ni randa mlayo wako.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Mavingu 30:8

Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Ekleziyaste 3:8

mbimo ya kuranda, ni mbimo ya kuvenga; mbimo ya yimbi, ni mbimo ya kudikha.

Valamuli 16:11

Se ene a to mxamula ku kha ene: “Ngako va txi ni sunga ngu majoke a maphya, aawa ma sinziko kuthumiswa, sekoko eho ni ndi na guma mtamo, ni fana ni vamwani vathu.”

Mavingu 18:3

A txi ta muonhi, ata ni kutxhipisa; txiruko txita ngu mu ka tingana.