Mavingu 13:4 - Bhiblia Yo Sawuleka

⁴ Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Mavingu 13:4 Referans Kwoze

Mavingu 12:24

Manza a vale va wunene ma na thangela vamwani, aniko vakanganyisi va na va sithumi.

Mavingu 12:11

Awule a dimako mafu akwe a na khura ngu sakudya, aniko awule a londetelako mikara kha nga ni mapimo.

Mavingu 10:4

Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.

Mavingu 11:25

Moya wa wuha wu na ena, ni wule a theletelako mati, nene a na theletelwa.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Vahebheru 6:11

Kambe athu hi navela ti to mmweyo ni mmweyo kwanu e kombisa kukhutala konako kala magwito, kasiku txithembo txanu txi hetiseka.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Mavingu 8:34

A katekile m'thu wule a ni engisako, a zumbako e wonetela ha txikeni kwangu ditshiku ni ditshiku, e verela misasimoni ka sike sangu.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Mavingu 26:13

Mkara a khene: Ku ni ngonyamo hanzila; ku ni ngonyamo digondoni.

Masalmo 92:14

Hambi yi di kumbile mindonga yile ya veleka mihando yi zumba yi di nonile ni kuhanya,

Mitengo 23:10

I mani a sikotako kubala Jakobe wo tala nga lithulu kani? Hambi kuziva mtengo wa wumune wa va ka Israyeli kani? Moya wangu wu nafe ngu mafelo a vo lulama, ni magwito angu nga awe!

Mavingu 6:6

Tsula u ya wonana ni titshokoti, awe mkara; wona tinzila ta tona, u na txhariha.

Mavingu 12:27

M'thu wu i ku mkara a tandeka ni kubawula txile a nga daya, aniko thomba ya yinene ya m'thu ngu wunene.

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Mavingu 13:5

M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.

Mavingu 20:4

Mkara kha dima ngu mbimo ya wuxika, ngu kumaha keto, ngu mbimo yo funyela a na kombela, aniko kha na mbi amukela txilo.

Mavingu 21:5

Mapimo ya wule a mahako ta tinene ma humelelisa, aniko a votshe vale vo kuluvetela, mbusiwana dwe.

Mavingu 21:25

Maalakanyo a mkara ma m'daya, nguko manza akwe ma lamba kuthuma.

Genesisi 26:32

Ngu ka donedo ditshiku, sithumi sa Isaake si to mu wuyisela m'biko wa txisima txi va nga kela, va txi kha vona: “Hi mani mati.”

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”

Mavingu 24:30

Ni pindile ngu thembweni ka mkara, kumweko ni mivhinyani ka m'thu wo pwata mapimo;

Mavingu 24:31

wona taku yotshe thembwe yi ti ti tate ngu mipa, yi ti tshuletwe ngu mimwasi, madhawani ku ti wite diguma da marigwi.

Ndando ya Tindando 5:3

Ni ambute syambalo sangu, na si ambalisa kutxani kani? Ni sambile minenge yangu, na mahisa kutxani kutshumela ni yi nzihatisa kani?