Mavingu 13:3 - Bhiblia Yo Sawuleka

³ Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Mavingu 13:3 Referans Kwoze

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Mavingu 18:7

Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.

Masalmo 39:1

Ani ni to khani: Ni na xayisa tinzila tangu, kasi ku ni si onhi ngu lidimi langu; ni na xayisa txisofu txangu ngu matomu mbimo yile m'bihi a ku masoni kwangu.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Mavingu 20:19

M'thu wo tolovela malengo, wa humisa txihunja; ngu toneto, u nga ti patanise ni m'thu wo lalata.

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

Mavingu 12:13

Mlawu wa muonhi wu ka mapswi o hambana a txisofu txakwe, aniko m'thu wo lulama a na huma kuxanisekani kwakwe.

Masalmo 34:13

Ngu kota yeto, hambana ni kuruketela: Txisofu txako txi nga thuke txi womba makuhu.

Masalmo 141:3

Mkoma, veka muwoneleli wa txisofu txangu ni mxayisi ha txikeni ka txisofu txangu.

Mavingu 10:14

Titxhari ta ti xayisela wutxhari, aniko txisofu txa txiphukuphuku txo hasamula.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Valamuli 16:11

Se ene a to mxamula ku kha ene: “Ngako va txi ni sunga ngu majoke a maphya, aawa ma sinziko kuthumiswa, sekoko eho ni ndi na guma mtamo, ni fana ni vamwani vathu.”

Valamuli 16:17

Se a to mtulela txotshe txihunja txa mbilu yakwe, a txi m'gela tiya: “Limo kha li zivi ku nga gwesa msungo wangu, nguko ni Mnazira wa Txizimu, kukhukhela mndani ka mame wangu; ngako yi txo kuyulwa misisi, eho mtamo wangu wu ndi na khukha kwangu, ni fana ni vamwani vathu.”

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.

Mavingu 14:3

Ngu mkanani ka txiphukuphuku kuhuma ndonga ya kutikulisa, aniko txisofu txa txhari txi na yi xayisa.