Mavingu 13:20 - Bhiblia Yo Sawuleka

²⁰ Hanya ni titxhari u na txhariha, aniko mngana wa siphukuphuku a na xaniswa.

Mavingu 13:20 Referans Kwoze

Mavingu 15:31

Awule a engisako milayo yo hanyisa, a na aka m'ti hagari ka titxhari.

Mavingu 9:6

Hi nga lekani vale vo mbi pfisisa, mi na hanya, kambe tsimbilani ngu nzila ya kupfisisa.

Mtuletelo 18:4

Ni engisile kambe dimwani dipswi da nzumani, di txi kha dona: “Anu vathu vangu, humanimo, kasiku mi si manwi ngu mnandu wa sionho sakwe; ni kutshapelwa ngu mitungu yakwe;

Masalmo 119:63

Na ti tshanganisa ni vale va kholwako kwako, ni vale va xayisako sileleto sako.

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

1 Vafumeli 12:8

Hambiketo ene a to leka milayo yile a nga gelwa ngu madhota, e pfa to gelwa ngu majaha ale a nga kula kumweko nawo, va nga ti masoni kwakwe.

Mavingu 7:27

Mtini kwakwe ku ni tinzila to yisa dithithani, ti yisako tinyumbani ka lifo.

1 Vafumeli 12:10

Se majaha ale ma nga kula nayo ma to m'gela tiya: Xamulisa tiya ka vathu vale va nga ta kugela ku kha vona: Tate wako a nemetisile ngutu dikange dathu, aniko awe di hehukise kwathu; u na va gela tiya: Litiho langu la lidotho li dhimbile ngutu kupinda txiwunu txa tate wangu!

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

Genesisi 14:12

Va to mñola nene Loti, awule a nga ti ti zumba Sodhoma, mwanana wa mwanawe wa Abramu, ni tithomba takwe, ve tsula naso.

1 Vafumeli 22:4

Sekoko Akabe a to khene ka Josafati: Se u na tsula ni nani kulwani, kona Remoti-Gileyadhi kani? Se Josafati a to khene ka mfumeli wa Israyeli: Ani ni na nga awe, ni vathu vangu va na nga va vako, hambi mahantxhi angu, nga mahantxhi ako.

1 Vafumeli 22:32

Ku to maheka koko taku, mbimo yile Josafati a nga wonwa ngu vathangeli va sikotxikani, va to kha vona: Ngu ditshuri awuwa ngene mfumeli wa ka Israyeli. Se va to tshuketela hafuhi kwakwe, ku yalwa nayo; konako Josafati a to peka huwa.

2 Makronika 10:8

Kambe ene a to leka wudhota wule a nga gelwa ngu madhota, se a to engisa to gelwa ngu vafana vale a nga kula kumweko nawo, avale va nga ti mthumela.

2 Makronika 22:4

A to maha to biha masoni ka Mkoma, kufana ni va nyumba ya ka Akabhi, nguko vona i ti ti madhota akwe msana ka kufa ka tate wakwe, kala a txi lova.

Mavingu 13:19

Kunavela kule kutatisekako ka tsakisa moya, aniko kuhambana ni wubihi njinyenyeko ka siphukuphuku.

Mavingu 14:7

Hambana ni m'thu wu i ku txiphukuphuku, nguko kwakwe khu na mbi mana mapswi a wuzivi.

Mavingu 22:24

U nga longoloke ni m'thu wa txihenyisani, hambi kutsimbila ni m'thu wa txiviti,

Mavingu 22:25

kasiku u si gondi tinzila takwe, se u mana mlawu wo thavisa wutomi wako.