Mavingu 13:2 - Bhiblia Yo Sawuleka

² Mmweyo ni mmweyo ngu mihando ya txisofu txakwe, a na dya wunene, aniko moya wa vakanganyisi wu na dya timboyinga.

Mavingu 13:2 Referans Kwoze

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Mavingu 18:20

Mrumbu wa m'thu ni m'thu wu na khuriswa ngu mapswi a txisofu txakwe; a na khuriswa ngu si si humako txisofuni kwakwe.

Mavingu 10:11

Txisofu txa wo lulama njisima txa wutomi, aniko kulwisa ka tsiva sisofu sa vo biha.

Mavingu 1:31

Ngu konaho, va na dya mihando ya mahanyelo awe, kambe va na khuriswa ngu sileleto sawe vapune.

Masalmo 140:11

Vathu va makuhu va na fuve ha mafuni; makhombo ma na londisele sigevenga kala kuza me si fuvisa.

Mavingu 4:17

Nguko vadya dipawu da wuonhi, se ve sela vhinya ya mazunga.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Hoseya 10:13

Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Mavingu 11:23

Vathu vo lulama va navela wunene dwe, aniko themba ya vaonhi ngu kuhenya.