Mavingu 13:14 - Bhiblia Yo Sawuleka

¹⁴ Gondo ya txhari, njisima txa wutomi, txo vayilelisa m'thu ka milawu ya lifo.

Mavingu 13:14 Referans Kwoze

Mavingu 10:11

Txisofu txa wo lulama njisima txa wutomi, aniko kulwisa ka tsiva sisofu sa vo biha.

Masalmo 18:5

Mtamo wa lifo wu ni bzwetile lifo li ni riyete ngu milawu ya lona.

Mavingu 14:27

Kuthava Mkoma njisima txa wutomi, kasi kuvhikela vathu ka milawu ya lifo.

Mavingu 16:17

Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Mavingu 16:22

Avale va ku ni mapimo va ni txisima txa wutomi, aniko gondo ya siphukuphuku, njitsayiso ka sona sipune.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Mavingu 9:11

Nguko masiku a kuhanya kwako ma engetelwa ngu ngani, ni malembe a kuhanya ma na engetelwa.

1 Samuwele 25:33

Ku na bongwe ni wusungukati wako, bongwa nawe, wu nga ni vhalela nyamsi kutheketa mnoha, ni ku ti hanyisa ngu dianza dangu.