Mavingu 13:13 - Bhiblia Yo Sawuleka

¹³ Awule a nyenyako silayelo a na lova, aniko awule a thavako mlayo, a na wuyelwa.

Mavingu 13:13 Referans Kwoze

Mitengo 15:31

Nguko a eyisile dipswi da Mkoma, e leka khakwenye ati a dinganako ku ti maha; eyo m'thu a na tutumiswa ngu txionho txakwe apune, ka va kakwe.

2 Johani 1:8

Ti woneleni kasi ku mi si mwalati mihando ya kutikarata kwanu; aniko mi fanete kumana hakhelo yi yi dinganako.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Masalmo 119:165

Avale va randako mlayo wako va hanya ngu kudikha ka hombe, kuwalo txilo txi va khuvekisako.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.

Masalmo 19:11

ya gondisa wuzivi ka txithumi txako, Mkoma, awule a yi xayisako wa mana hakhelo.

Ezekhiyele 20:16

Nguko va lekile milayo yangu, kha va tsimbila ngu sileleto sangu, kambe va onhetete Masabbata angu; nguko mbilu yawe yi ti ti londetela msana ka sithombe sawe.

Ezekhiyele 20:24

nguko kha va thumisa milayo yangu, kambe va lekile sileleto sangu, ve nyenyezisa Masabbata angu, maso awe ma rendekete ka sithombe sa vatate vawe.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Mavingu 13:21

Wubihi wu na londisela vaonhi, aniko vo lulama va na wuyelwa ngu wunene.

Mavingu 1:25

anu mi to khata kulamba sileleto sangu, kambe kha ma tumela kukawuka kwangu;

Masalmo 115:13

a na katekisa vale va kholwako ka Mkoma, vavadotho ni vahombe.

Luka 16:31

Aniko Abrahamu a mu xamute ku khene: ‘Ngako va si engisi Mlayo wa Mosi ni tigondo ta vaprofeti, hambi idiku wo wuka mmweyo wa vafi, kha va na mbi hunduluka.’ ”

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Matewu 5:12

Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.

Ezra 10:3

Konkuwa koko, a hi maheni txitumelelano ni Txizimu txathu, txaku hi na tshumeta votshe vasikati ni vanana vawe, madingano ni txilayelo txa Mkoma, ni txirumo txa Txizimu txathu; ti mahwa madingano ni Mlayo.

Eksodha 9:20

Hagari ka mahalamu a Faro, avale va nga thava dipswi da Mkoma, va to kuluveta ve wuyisa tinyumbani sithumi sawe kumweko ni mitxhambi yawe ya sifuyo.

Mavingu 13:12

Kuverela ko swela ka karalisa mbilu, aniko kuhoka ka tile ti navelwako, mndonga wa wutomi.

Mavingu 19:16

Awule a vekisako mlayo, a na vekisa muhefemulo wakwe; aniko awule a txhipisako tinzila ta tinene a na fa.

Masalmo 19:12

I mani waku a nga wona sionho sakwe apune kani? Ni divalele, Mkoma, sionho si ni si si woniko!

Mavingu 16:20

Awule a pfisisako dipswi ngu wutxhari a na mana wunene, ni wule a thembako ka Mkoma a na kateka.