Mavingu 12:8 - Bhiblia Yo Sawuleka

⁸ M'mmweyo ni mmweyo a na dhundwa ngu mapimo akwe, aniko awu a ku ni mbilu yo hambana, a na txhipiswa.

Mavingu 12:8 Referans Kwoze

2 Vakorinto 10:18

Nguko, awu a ti dhumisako kha amukelwi, hahanze ka wu a dhumiswako ngu Mkoma.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Luka 16:8

Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Mavingu 5:23

Ene a na fa nguko kha londeta silayelo, kambe a na mwalatwa ngu kutala ka tinzila takwe ta walo.

Mavingu 3:35

Thomba ya titxhari ngu wudhundo, aniko siphukuphuku sa ti lavela pfilu-pfilu.

Mavingu 1:26

se nani ni na mi seka ni ku mi poyilela kutimelani kwanu, na ku txi hoka ati ti no mi maha mi thava.

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Genesisi 41:39

Msana keto, Faro a to khene ka Josefa: Ngako Txizimu txi nga ku tuletela totsheto, kha nga ho mmwani a ku ni mapimo ni wutxhari wo nga awe.

1 Samuwele 25:17

Wona koko, konkuwa, u alakanya ti u no maha, nguko ka totshe tiya da ta dikhombo ka nyamne wathu ni ka nyumba yakwe yotshe, kambe ene m'thu wa tshofu, kha ku na wo a nga womba-womba nayo.

1 Samuwele 18:30

Se ngako vathangeli va Vafilista va di humile kuya kulwani, ku to maheka taku Dhavhidha a to ya masoni ngu kumaha kululama kupinda sotshe sithumi sa Sawule; ngu kumaha keto, ditina dakwe di ti ti dhundeka ngutu.

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

Ekleziyaste 8:1

I mani a fanako ni txhari kani? Niku i mani a zivako kutxhamusela to maha kani? Wutxhari wa m'thu wa maha khohe yakwe yi phatima, ni kukhwanyela ka khohe yakwe ka txitxa.

Mavingu 12:7

Vaonhi va na kanganyiswa, kambe va na fuviswa, aniko nyumba ya vo lulama yi na tsana.

Mavingu 12:9

A txhuko wule a ti dhumisako ngu sa sidotho na a di ni sithumi, kupinda wule a ti guletako apune na a txi pwata sakudya.

Mavingu 29:27

Muonhi njinyenyeko ka wule wo lulama, se nene wule wa tinzila ta tinene njinyenyeko ka muonhi.

Isaya 19:14

Mkoma a thete moya wa wugeu hagari kwawe, se vona va to rerelisa Egipta, ngu yotshe mithumo yawe, kufana ni didevi di txi tshumelela makosa a dona.

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.