Mavingu 12:7 - Bhiblia Yo Sawuleka

⁷ Vaonhi va na kanganyiswa, kambe va na fuviswa, aniko nyumba ya vo lulama yi na tsana.

Mavingu 12:7 Referans Kwoze

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Mavingu 10:25

Wo biha a pinda kufana ni txihuhuri, aniko mlulami a ni kutsana ko mbi gwita.

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Esteri 9:14

Sekoko mfumeli a to womba taku ti na mahwe toneto; se ku to humiswa txileleto kona Susani, se kutxikitwa digumi da vanana va Hamani.

2 Samuwele 7:26

Se ditina dako di na dhumiswe kala kupinduka, kasi ku txi na wombwa taku: Mkoma wa Mabutho a Tiyimbi Njizimu txitimwi ka Israyeli; ni nyumba ya txithumi txako yi na tsaniswa masoni kwako.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

Mavingu 15:25

Mkoma a na khundumusa nyumba ya vale vo ti guleta, aniko a na tsanisa thomba ya noni.

Mavingu 14:11

Nyumba ya vaonhi yi na haxuka, aniko ditenda da vale vo lulama di na phatima.

Mavingu 14:1

Ni wihi wamsikati wu a nga txhariha wa ti akela nyumba yakwe, aniko awule wa txiphukuphuku a yi haxula ngu manza akwe.

Masalmo 37:10

Ngu mbimoanyana ya yidotho, khu na mbi va wona kambe vabihi; hambi u txi tsimbila u va lava, khu na mbiswa u va wona.

Jobe 34:25

Txizimu koko txa yi ziva mithumo yawe; ni wusiku txa va juja, ni ku va tshinda.

Mavingu 12:8

M'mmweyo ni mmweyo a na dhundwa ngu mapimo akwe, aniko awu a ku ni mbilu yo hambana, a na txhipiswa.