Mavingu 12:4 - Bhiblia Yo Sawuleka

⁴ Wamsikati wamnene m'bhoti ka mwamna wakwe, aniko awule a wisako tingana a fana ni kusina mndani ka marambu akwe.

Mavingu 12:4 Referans Kwoze

Mavingu 14:30

Mbilu yo hanya kha kwati mbutomi wa mmidi, aniko dibava ngu sina ka marambu.

Mavingu 14:1

Ni wihi wamsikati wu a nga txhariha wa ti akela nyumba yakwe, aniko awule wa txiphukuphuku a yi haxula ngu manza akwe.

1 Vakorinto 11:11

Hambi keto, masoni ka Txizimu, wamsikati hi nga txilo hahanze ka wamwamna, nene wamwamna hi nga txilo hahanze ka wamsikati.

1 Vakorinto 11:7

Wamwamna kha faneli ku ti fenengeta msungo, nguko ene njifaniso ni txipfaliso txa Txizimu, kasi wamsikati njipfaliso txa wamwamna.

Mavingu 21:19

I txhuko kuzumba ka mafu a txiwula, kupinda wamsikati wo karata, wa mazunga.

Mavingu 21:9

I txhuko kuzumba likasani ko tutelwa, kupinda kuzumba hagari ka nyumba ni msikati wo karata.

Habhakuki 3:16

Ni di ti engisile ani, mndani kwangu kudhuka, ngu dipswi dakwe txisofu txangu txi dhudhumete; kuwulete kusina marambuni kwangu, se ni dhudhumela mndani kwangu; na humula ani ka ditshiku do pandiseka, ngako ni txi nata lwa ni vathu vale va nota hi hoxota.

Rute 3:11

Se konkuwa, mwanangu, u nga thave; ni na ku mahela totshe ti u nga ti womba, nguko vathu votshe va didhoropa dangu, va tiziva ti to u wamsikati wamnene.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Mavingu 18:22

Awule a manako msikati a mana txilo txatxinene, kambe a mani kukatekiswa ngu Mkoma.

Mavingu 11:22

Kufana ni disinda da nzalama thonvuni ka khumba, ngu nga toneto wamsikati wo tshura a txi hambana ni ditshuri.

Mavingu 30:23

ngu wamsikati wo vengelwa mbimo yi a txhadhako; hambi txithumi mbimo yi txi dyako thomba ya nyamne wa txona.

Mavingu 31:29

Mahorana amangi ma vile ni mamahelo amanene, aniko awe wa va pinda ngutu votshe.