Mavingu 12:25 - Bhiblia Yo Sawuleka

²⁵ Kuvilela ka mbiluni ka gomisa m'thu, kambe mapswi amanene ma mtsakisa.

Mavingu 12:25 Referans Kwoze

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Mavingu 15:13

Mbilu yo tsaka ya tshurisa khohe ya m'thu, aniko ngu kupanda ka mbilu, wa funywa muhefemulo.

Mavingu 17:22

Mbilu yo tsaka mrende wa wunene, kambe moya wo funyeka wa omisa marambu.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Zakariya 1:13

Mkoma a to xamula ka ngelozi yile yi nga ti ti womba-womba ni nani, ngu mapswi amanene, i ku mapswi o thavelela.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Mavingu 18:14

Kutsaka ka mbilu ya m'thu, ku na kalamukisa malwati akwe, aniko i mani a nga wusako mbilu yo pandiseka kani?

Mavingu 25:11

Mhaka yo wombwa ngu nzila ya yinene, yi fana ni mihando ya silivhela amu ka txiya txa nzalama.

Masalmo 38:6

Ni dombekile ni tsimbila ni di namile ngutu, ni zumba ni di kupandiseka dotshe ditshiku.

Mavingu 15:15

Otshe masiku a m'thu wo xaniseka ma bihile, aniko awule mbilu yakwe yi tsakako, a ni m'buso wo mbi gwita.

Mavingu 14:10

Mbilu ngu yona yi zivako kupandiseka ka yona, kambe mmwani kha na kupfa litsako la yona.

Mavingu 12:26

Mlulami mtsimbitisi wa mwakelani, aniko nzila ya vaonhi ya va maha ve timela.

Mavingu 15:30

Litsako la maso la tsakisa mbilu, nduma ya yinene yi nonisa ni marambu.